彙整 | 十一月, 2008

發燒精神就是不妥協

27 十一月

數週前旺記提及冏冏數碼科技,還未觸及最重心的問題,即究竟jitter 要多少才足夠。這裡先講一下 pro audio 的看法。以 AES3 standard 來說 ,6.5nS 就很不錯了。嘩,通街的DAC 都郁下話自已的 jitter 得幾十 ps,這樣6.5ns 豈非要求很低 ? 對,這就是proaudio 的 standard,有興趣的可找 Juian Dunn 的文章看看,Juilan Dunn (已經仙遊)的東西是要好好地明白數碼音響的人不可忽視的王道正宗的知識.有趣的是, 旺記間中會見到有網友話 proaudio 經濟抵玩仲大勝發燒產品。這樣說吧,這兩種是不同的產業,professional audio 以 economy 為它的增值標準,用有限的成本去做給業界用來生財的工具,發燒產品則以不妥協,overkill為它的目的。旺記曾做過 Behringer 和 Crown 的 OEM,當中計算料價一分一亳如何算盡,自然瞭如指掌。當然,樹大自然多枯葉,許多所謂發燒產品是掛羊頭,扮 overkill。 旺記係電子佬,amp 好難呃我,中過招嘅喺英國某M字頭牌子,其後買的 Threshold, Pass, Ayre, 都是認真的東西,尤其是 Pass,所有 power 管都是在大電流下配對的,玩過配對的人就知道這是難度甚高的工序。但旺記在喇叭上就交了不少學費,最深刻是一對被當年被吹水書連續吹捧的喇叭,最慘的是買了後旺記就以為自己已進入了 hiend 境界,浪費了數年,直到開始玩全音,睇書(梗係唔係吹水雜誌),做測試,才漸漸明白天下烏鴉何其多。現在真的很發燒的喇叭,都價值不菲,因為 全部 tailor made, 而且做許多 screen 以致yield 很低,近日對新的 JM lab Utopia 了解了一下,不能不說,這就是發燒精神,一百六十萬,還是一百萬或八十萬一對,都不是重點,這樣不妥協,才是 designer 值得尊敬之處。此外旺記曾提過的 dream car 葫蘆喇叭,也是很絕很絕的東西,你看它幾年來都是差不多模樣。不過最近有friend 話佢個 friend 話古董同軸單元真聲過葫蘆,旺記聞之差半點没爆笑出來,雖然我相信 feastrex 已經飛咁快,但畢竟係音盤推空氣而已,話紙盤仲好過 metallic bended wave device 等於話拳頭快過子彈,你估真係火雲邪神咩,大佬。seriously speaking,make sense 嘅同軸 design 祇有 Tannoy or similar,其他都係因Tannoy 的 patent 而兜路妥協的產品,phase coherence 衰過同一facet 的多路分音,end of conversation 。

講番轉頭,假如能有運氣地選得到好的發燒產品(我的確相信眾裡尋它,唔多唔少有D運氣),加上有耐性地調聲( 越 overkill 嘅嘢越需要耐性),旺記唔信 proaudio 會好過發燒產品。認為proaudio 好過發燒產品,是一種degeneration,是不幸的結論,就好似現在有D人喺咁嚮度推翻價值投資一樣。一朝被蛇咬,不代表天天會PK。

GM . WE . 大白象

24 十一月

上星期五張五常教授在信報大讚GM ( general motor),旺記的發燒instinct 立時想起西電。

大佬,GM D 工人時薪70美元,我打佢一週工作35小時(俾多佢,我 N年前在加州 bay area 班大帝話要跟法國一週不超32小時),一個月140小時,即一個月袋6.8K美元或五皮人仔 ! 呢個係工人的薪水 ! 我冧以高薪養廉的港府都自愧不如 !

Having said that, 如果幾廿萬人都過住呢D咁烏托邦的生活,做出超水準的產品係應份,張教授講嘅應該說係 expectation 才對。但烏托邦的生活唔會永恒,就好像西電一樣,在胆座上 etch 大大隻字 MADE IN USA ,不過數十載就日落西山。

再 having said that , 一個國家容許大白象生存一段日子,唔係壞事,至少可以給大眾一些集体回憶,西電留給音响行業就更多,是二手古董洋垃圾產業,延伸至今。我等散戶也會間中入D西電看門口。早排旺記就快刀斬亂麻入了一對 WE422A,前幾天才插入45胆机試聲。冇嘢講,5吋的 Feastrex D5nf 換出5AS4(5AS4已經很好聲,高低延伸大勝5U)換入WE422A口徑好像大了兩吋,background 更 dark,電子佬的我一直唔明點解胆整流會有咁大分別。

不過如果不是 Feastrex 咁高速的喇叭,就不會咁明顯,旺記由入門玩hifi開始,就一直尋求能如實反映的喇叭,好讓我能把体系 progressive upgrade,當年的 Saba 8 吋給了我少許這種感覺,現在在 Feastrex 上終於體驗了,而且比想像的更好玩有趣,以前有人對某個法國喇叭的評價是 it never fails. 即係如果唔好聲,一定唔關佢事,嗰隻喇叭我都玩過,對唔住,冇共鳴,但係 Feastrex , up to this point , 我真係覺得佢未 fail 過。

Anyway ,大象 — 虎型 series 外最款嘅德國坦克。