彙整 | 三月, 2010

怎樣的揚聲器好聲 之二

9 三月

原 “怎樣的揚聲器好聲 " 刊於 2007年 5月 15日。

唔覺唔覺, 三年矣。

覺得三年前寫的還是很對,先重刊一下, 呵。

***********************************************

TSM300 是 tonal balance 非常好的揚聲器,單獨聆聽真的相當不錯,人人當它是 giant killer ,side by side comparison 最殘皓,TSM300 速度唔掂,用 low damping factor 的 amp 推即露底,(難為了許多人仲以為佢最夾單端機)TSM300仔全靠高頻號角取分。

所以,tonal balance 不是大唒,是入門,要聲音好聽需要 反應快,decay 適中,phase accurate, 才可以 catch up 輸入的訊號。過去旺記介紹的單元像 Saba ,Coral 等等,都是紙盤輕反應快的單元,至於NXT的 transducer本來非常好,但一大片傳度快又輕盈又廉價的振板 market 上不會有,所以 NXT 無法進入HiEnd之門。

許多時我們用頻率響應(其實即 tonal balance 也),相位,同步等等去 describe 揚聲器的優劣,不過,有一個 perspective,甚少有人提過的,就是揚聲器的追重性。揚聲器是 transducer,我們的耳朵中的耳膜也是傳動機器,揚聲器的傳動反應快如耳膜或超越它,聲音就會好聽,因為我們聽覺的極限就是耳膜的傳動速度,與它同速,就是 fidelity。High Fidelity 還是 Ultra-Fi 已經不再重要,因為要接收的資訊已 100% 被傳遞。

**************************************
這幾日在攪 新進宫的 Feastrex d9e type II CW,对 CW版的進步很吃驚,用它聽音乐, 很難停下來。才昨日,旺記竟然用它聽了幾小時人聲( 对我说百份百絕無僅有。)就兩隻中文 CD 王菲的 天空 和羅文的"情繫佛羅內斯 “嚟 demonstrate 一下。

天空  : 我一向觉得D 錄音冇乜特別( XRCD版仲衰聲D添),D人鍾意 cut 5 的 unplugged , 话夠 hifi ,我有點不以為然, 一把声加幾件乐器,播得好1D都唔難。但係今次我反而被 cut 2 的棋子 吸引着,原來在當中有許多minute details,王菲在撚她的唱腔的微妙变化,非常细膩精采, 我怎麽以前觉察不到 ?

“情繫佛羅內斯" : 我又一向觉得這个錄音很mellow, 没有菱角( CD没有菱角已經是很高水平, 仲係中文歌添),好襟聽,但係今次聽, 咦, 好唔同,again, 天使在細節裡, 羅文咬字清淅到離奇,這就是他一直堅持字正腔圓的齒音嗎 ?這樣, 雖然一直唔太喜歡羅文的唱腔,但同王菲 D 歌一樣,我被那濃烈的 style 吸引着,不能自已地聽下去。

這兩張碟就 consume 了我一个小時 。

好嘞, 續講怎樣的揚聲器好聲。

其實在"之一"中已經講晒, 以下基本上是些少補筆。

  1. Frequency Response – 我講過 n次,频率响應是 marketing tool,多於實際的作用,冇人在同一個 instant ,會聽一个 20Hz 到 20KHz 的signal ,因為那是个 broadband signal,燒功放時的啪一聲和一縷白煙,大概就是20Hz 到 20KHz 甚至 beyond 的。 如果一條 +/-2dB(仲要加 smoothing, of course)的曲線代表好声,用电話筒聽人声基本上已絕对夠 hifi,因為电話筒 D transducers 從 300Hz 到 5K6K 基本上係一條平線 !
  1. 追重性大於一切 – 音樂不致令人懨懨欲睡的,就是當中的起伏变化。人的聽覺,絕对有能力把0.5msec之間的兩个 note分出來,唔夠快的揚聲器,就会把兩个 大 contrast 的 note 拉一條平線,把原有的漣漪抑止,音樂令人扣人心弦,本就是這些漣漪,或大或小。

不妨講多一個體驗。旺記第一隻 serious 的全音係 JX-92 好多人都知,如果餵得飽隻嘢係幾好聲嘅( 我用 Ayre V3餵佢唔算失禮啩)。食髓知味我一路都 keep住留意 Jordan D 嘢, 咁後來出咗隻 jxr62,啱啱旺記揾緊 broadband嘅細 driver 做 array,睇圖, 100Hz 至 20KHz 好正,便殺咗5對番嚟,用 t-amp set up 1 對來聽 , tonal balance 確幾好。說時遲,那時快, feastrex 5吋 又剛殺到,接上一聽 ….

Feastrex係貴好多,知但係我當時立刻就 recall 點解用 TFK6x9障板 可以殺低 Focus FS78的經驗,。

從此就要自已記住, 唔夠快嘅揚聲器就缺乏生命力,聽都徙時間。

數週後 D jxr62便在 ebay 出咗4對,話晒係 mint condition,唔算點輸。留低1對用嚟做 AV speaker和聽財經,亦算係 remind 吓自已。

廣告