彙整 | 萬卷書 RSS feed for this section

AudioExpress 歷史任務完成

14 二月

多次在 blog 裡關注 Audio amateur 雜誌的前景, 終於, 在去年賣盤了,買家是 Elektor, 不奇怪, 反正 Ed Dell 一早應退休了, 40年如一地攪一份雜誌, 談不上是興趣了, 而且隨着 internet 的出現, 大部份有料的 contributor 都有自已的地盤, regular的雜誌已經没有了意義。

可惜的是, 賣盤後的 AudioXpress, 連那剩下的一點點 “地下" feel 也没有了, “地下" feel, 就是 minority feel, non-conformist feel。 Apple computer 的廿幾年business 就是靠這份不妥協文化撑着的。 後來死鬼 Steve Jobs 大徹大悟跑上地面 flood the market, 現在一街的人都用 iphone掃掃掃 ,多麽嘔心。

地下雜誌一向短命, 如 Sound Practices, Listener, Audio Amateur 是走中庸之道, 唔講唔知, 原來Ed Dell 是唸神學的, 也不算是發燒友,大概如此,才能把雜誌 manage 到和sustain, 孕育了數不盡的 audio diyers 。

現在的 AudioXpress相當 regular, 祇是每次旺記登入, 5分鐘不到就翻完了, 快過睇新地, 我找不到過去閱讀的趣味。

睇 hifi 雜誌和玩 hifi 一樣, 玩味最緊要,聽過一些人,成日比較多路同全音喇叭,又話玩過多路聽唔番轉頭云云, 都幾得意,旺記差D就回應, 嗱, 唔駛攪咁多, 你攞十皮嘢買對 ATC active 喇叭 , 連前, 後級, cable 都摼埋, 又 dynamic 又 低失真, 對應某雜誌話齋, 5粒星, 可以聽過世 。

幾十年前旺記有個中學同學(現在是文化界人仕了)曾寫過,"這世界原是扼殺希奇的"。十幾歲睇得咁透, 服。

旺記的懷舊書展 (六)

20 九月

和朋友談及 NS,腦振盪下憶起半導体興衰史。Solid State IC 的老大哥是 Fairchild , 譯仙童,行內戲稱廢柴。Fairchild 興起得很快,也跌得很急,興起源於天才設計師 Bob Widlar 的 opamp uA702 ,比同代產品起碼超前了十年,吾生也晚,是先認識了741,然後709,才知道有702。手上還有一枚 鐵殼uA709, 70年末在鴨記買,那時已經是 cheap 嘢,但uA702 一出時(around 1965年)賣 200美元一枚,可想像 Fairchild 賺幾多,在科技行業裡,往往係一兩個人定生死,因為 creativity 可遇不可求。旺記見過好多人以為用 system engineering 將公司規格化,以為會perform得更 consistent ,係冇錯嘅,不過 end up 係 stagnant water,卜到直。

旺記一直同NS頗有緣,後生時用 一大堆 Audio IC LM381 , LM387 , LM1894, LM3915, LM394 , LM833 etc etc 唔在講,因為當時 NS 在港有個 design center ,同佢地有不少來往, 老牌子嚟講NS算硬淨 , 不若 Fairchild , 已面目全非,burr-brown 收歸 TI ,RCA 蒸發咗,Motorola 更唔駛講,分咗做 On 同 Freescale 已經冇乜 令HiFi友感興趣的產品 。

NS LM381 series 係 NS 專登整俾 audio 用既誠意之作,要知道七幾年時,大圍用嚟用去都係 741, 4558 ,Bi-FET 都未有,只恨 LM381 生不逢時,冇幾奈 Signetics 就出咗獨步天下的NE5534。

要說NS 最燒的古董,一定是 LM394,這枚孖管,原本係NS用嚟 demonstrate 佢既 bipolar fab process 有幾堅,估唔到LM394被發燒圈寵幸,用於 phono stage 和要求 low dc drift 的 discrete opamp 裡。所以依家 LM394 仲出緊,旺記唔明點觧冇semicon 廠出孖 Fet ? 將fet input 嘅 opamp個 input stage 抽出嚟就係咁多,好過D hifi友周圍揾孖 FET,仲做就咗某強國 D fake 原子粒散開咗去全球。

貴到無倫的Boulder ,就係用LM394H。

旺記的懷舊書展 (五)

13 九月

過去的數週是令全港人又痛心並同心的日子。
每逢遇着些大事故,總是令旺記愈加相信,香港人是卓越的(是因為百年殖民地的成果又如何?),東方之珠發不發光也不是最重要的,反正就是有情操。

NS 的 application notes 輯成的書,在80年代出版。

學習 analog 的人,此書不可少。祇是到了今天,學習 analog也成為了絕學,或也是懷舊。现在大學唸電子的,不要說分立元件的電子線路,連 opamp砌的電路都隨時攪到頭昏腦脹。這倒是旺記的第一手經歷,數月前和一個某大學畢業做事近十年的高材生閒聊發现的。旺記隨手畫了一個 amp 的線路出來,高材生看着只管抓頭,忙說opamp 的電路還可處理。

不打緊,反正還把玩 analog 的,都是老鬼,連 chip amp 都給 數字功放趕絕了,人的耳朶既壞了,還可以怎樣 ?

這本 app notes 旺記大概在86~87年間在信和地庫買的,那時信和有兩間電子零件店,有一間的老闆大概在理工畢業的,另一間取得當時名不經傳的三星半導体做代理,數年間翻了數翻,90年代在港交所上市。

這本書好像在去年(或 2008年)再版。有没有參考價值 ? 看官自行決定。旺記隨手翻到一頁,嘿你道是啥,不就是萬千寵愛的 B1 嗎 ?

旺記的懷舊書展 (四)

17 八月

當年萬里出的書,差不多是它出一本,旺記就啃一本 ,這本於1980年出版,算是較後期的了,大概到了80年代初萬里不再編譯日本電子書,是令人有點失望。

這本書以日立的lateral MOSFET為主打,當年lateral MOSFET剛剛推出幾年,英光電藝社賣 2SK134/J49 45蚊1對,Mot記 2N3055/MJ2955 才9蚊1對。


這個基本上就是日立推MOSFET的 application circuit ,清一色的 Hitachi 管,2SA872/C1775 是日立最少Cob 的管,東芝A970/C2240輸足一條街, 2SB715/D755則是日立專門開發來推MOSFET的中功率管,這股追求完美的豪氣,在90年代後一去不復返,行文之時,報章上話中國已取代日本成為第二大經濟國家云云。那麼在創造和開發能力上,中國排第幾 ,還是只靠人山人海的勞動力來支撑經濟數據?

雙差動的電路,旺記認為是最善用solid state特性 的 solid state design 了。商品中最好 amp ,不出這個基本結構。留意輸入的 JFET,是耐壓80V的絕種貨,近年當日本原子粒係寶的老美如NP大概揩都未揩過。
看着這些美好的元件逐漸消失,是頗無奈的。之但係想到求其一個AX7(甚至國產 6N3)都揮低一大堆原子粒時,又覺得呢D元件都是留在美好的記憶裡算了吧。

旺記的懷舊書展 (三)

9 八月

今年沒去音展。
對一個玩HiFi卅年的人來說,提不起勁去睇一D大路嘢,應該算係 well justified 吧!其實以前旺記必去音展,但不是這個,而是另一個在酒店攪的。旺記一直對個D大代理推的嘢没太多興趣,反而D小小小企,會有另類趣味。在會展的音展,基本上似一個名店街多一D。
所以,雖然個本雜誌自食其果已經係喪屍一件,但當年佢係凝聚咗一D cults,依家再揾唔番。

如果有個懷舊音展,肯定旺塲許多。

呢本書,應係旺記玩電子最早五本書之一。
但絕不是最 enjoy的一本。同系有一本叫"看圖學裝收音機",印刷精美許多,當年旺記日睇夜睇,因為基礎唔夠一知半解,所以睇極都停响依樣畫葫蘆的階段。

最 primitive 嘅礦石機,當年覺得好神奇。

用番鹼盒做機殼,在日本製作中非常 common,不過實在太娘,旺記都冇咁 implement 過。

旺記個陣最不滿的是,成本書有一半是以下呢堆咸豐年嘅嘢,覺得萬里書店好揾笨。

如果個陣旺記知道呢D係寶,一路收集,發咗啦。
不可不知,radio technology 依家仲间中有刊載膽收音線路。
兜了一個大圈之後,旺記必須承認,真空管係最natural 嘅放大器件。

旺記的懷舊書展 (二)

4 八月

旺記曲線認識 ST-120係始於 Hafler DH200,當年電聲界為了引入DH200套件,攪咗個 Dynaco 回顧,講到ST-120,旺記望住個線路,睇到出神,從此就成日想將佢復刻。玩 Hifi 唔識 David Hafler 絕對係一個罪,Hafler創立 Acrosound ,Dynaco ,promote 四聲道,賣盤,五十幾歲再創業,七十歲先收山賣盤(令一個例子係 E J Jordan,永不言休),相比今日好多香港人話要四十幾歲退休,financial independent ,週圍玩過埋個幾廿年,一D venture 精神都冇。By the way, 我想起2008年有個七旬老翁,俾馬多夫扼晒D錢,咁去超市做sales,見佢攞住D一包包食物响度做 product promotion,訪問中佢老婆話 : We’ll have a better tomorrow ! 令人動容。

講番 Hafler ,Dynaco 年代揾咗 Borbely 攪設計,食髓知味,揾 Borbely 再攪 DH200同 DH101 ,再下一城,不過Borbely唔睇好Hafler的營運,冇幾奈就quit咗,DH200同之後嘅DH500賣到成行成市後 ,Borbely俾佢老婆省到飛起。

再講番 ST-120,線路簡潔,旺記對佢有興趣過 DH200多多聲,gut feeling 如果D 零件(特別係兩件 coupling cap)用好D,應該唔太差。網上好多人話 ST120五十蚊(美金)都唔值,由此可知internet 之上無知人仕比例遠大如識嘢嘅人,而且向來係樽愈空愈響也。

旺記的懷舊書展 (一)

27 七月

一年容易又書展。

旺記好耐冇去過香港書展了, 自從可以作 internet 閱讀和網上 order 書之後, 連逛書店都少了許多, 去書展仲要俾錢買飛,同人鬥迫,係好奇怪的事 。

今年可堪玩味之事是着多衫的可以开簽名会,着少衫的就唔得,旺記一D都唔支持娜姐一族嘅出版事業,但呢個係 free market,除非你一早有 rules set 好哂,臨門先嚟落閘,係包青天式秉行公義,violate 公平營商原則,在资本主義社会,講唔通。慘得過有十三歲少年話摼咗三個月零用錢去買娜娜本書(講白D, 跟本係咸書),你越 censor 佢越 high,要攪好讀書風氣唔係靠 censorship。

呢排執拾舊嘢,把十幾箱書抖了出來,又係一陣 mix feeling ,those were the days。

收集呢本書只有一個原因,就是裡面有篇 Dynaco ST-120 的復刻。廿幾年前冇internet,咁嘅文章就喺寶。